کراچی(نیوز ڈیسک)عالمی منڈی میں سونا مہنگا ہونے کے باعث مقامی صرافہ مارکیٹ میں بھی سونے کی فی تولہ قیمت سو روپے اضافے کے بعد پینتالیس ہزار آٹھ سو روپے ہوگئی۔بین الاقوامی مارکیٹ میں خام تیل کی قیمتوں میں اتار چڑھاوکے بعد سونے کی منڈی بھی غیریقینی صورتحال کا شکار ہے۔ لندن بلین مارکیٹ میں فی اونس سونا گیارہ سو انتیس ڈالر کا ہوا تو مقامی صرافہ مارکیٹوں میں بھی سونے کی قیمت فی تولہ سو روپے بڑھا دی گئی ، کراچی سمیت ملک کے تمام شہروں میں فی تولہ سونا پینتالیس ہزار آٹھ سو روپے جبکہ دس گرام سونے کی قیمت چھیاسی روپےاضافے سے انتالیس ہزار دو سوستاون روپے پر پہنچ گئی۔