اسلام آباد(نیوزڈیسک) اوگرا کی جانب سے پیٹرولیم مصنوعات کی قیمتوں میں کمی کا نوٹیفکیشن جاری کر دیا گیا ہے۔ نوٹیفکیشن کے مطابق پیٹرول 5 روپے سستا کر دیا گیا ہے اور اس کی نئی قیمت 71.25 روپے فی لٹر ہو گی۔ ہائی سپیڈ ڈیزل 5 روپے سستا کر دیا گیا ہے اور اس کی نئی قیمت 75.79 روپے فی لٹر ہو گی۔ مٹی کا تیل بھی 5 روپے فی لٹر سستا کر دیا گیا ہے اور اس کی نئی قیمت 43.25 روپے لٹر ہو گی۔ لائٹ ڈیزل بھی 5 روپے فی لٹر سستا کر دیا گیا ہے اور اس کی نئی قیمت 39.94 روپے فی لٹر ہو گی جبکہ ہائی اوکٹین 5 روپے فی لٹر سستا کر دیا گیا ہے اور اس کی نئی قیمت 75.66 روپے لٹر ہو گی۔ پیٹرولیم مصنوعات کی نئی قیمتوں کا اطلاق آج رات 12 بجے سے ہو گا۔