واشنگٹن(نیوزڈیسک)امریکی ادارے کی رپورٹ میں کہا گیا ہے کہ اگر پاکستان اور بھارت اپنے جوہری ہتھیاروں میں اضافہ کرتے رہے تو دونوں ممالک کے اسٹریٹیجک استحکام کو شدید خطرات لاحق ہوسکتے ہیں۔کانگریشنل ریسرچ سروس (سی آر ایس) کی جانب سے امریکی قانون سازوں کو ارسال کی جانے والی رپورٹ کے مطابق پاکستان کے جوہری ہتھیار بھارت کو اپنے خلاف کسی بھی فوجی کارروائی سے روکنے کےلئے ڈیزائن کیے گئے ہیں، تاہم پاکستان ان کی تعداد میں مزید اضافہ کر رہا ہے۔رپورٹ میں بھارت کے جوہری ہتھیاروں کی بڑھتی ہوئی تعداد کا بھی ذکر کیا گیا ہے رپورٹ کے مصنفین نے اس بات کو تسلیم کیا کہ جوہری ہتھیاروں کی دوڑ خطے میں جوہری تنازع کا باعث بن سکتی ہے رپورٹ میں خبردار کیا گیا کہ پاکستان کے جوہری ہتھیاروں کی بڑھتی ہوئی تعداد نئے جوہری ہتھیار بنانا اور پوری طاقت سے جواب کے نظریے نے پاکستان اور بھارت کے درمیان جوہری تنازع کے خطرے کو بڑھادیا ہے۔کہا گیا کہ 2004 کے بعد سے پاکستان نے اپنے جوہری ہتھیاروں کی سیکیورٹی کو مزید بہتر بنانے کےلئے کئی اقدامات اٹھائے ہیں، تاہم ملک میں عدم استحکام نے اس حوالے سے کئی سوالات کو بھی جنم دیا ہے۔