لاہور(نیوز ڈیسک)قومی ترانے کے خالق نامور شاعر ابوالاثر حفیظ جالندھری کا 116واں یوم پیدائش آج پورے عقیدت و احترام سے منایا جارہا ہے۔ابوالاثر حفیظ جالندھری 14جنوری 1900ءکو بھارت کے علاقے جالندھر میں پیدا ہوئے اور آزادی کے بعد انہوں نے لاہور کی جانب نقل مکانی کر لی۔حفیظ جالندھری معروف شاعر اور نثر نگار تھے انکی شاعری مذہبی ،حب الوطنی اور لوک گیتوں پر مشتمل تھی،انہوں نے پاکستان کا قومی ترانہ تخلیق کیا جبکہ آزاد کشمیر کا قومی ترانہ بھی حفیظ جالندھری نے ہی تحریر کیاہے۔حفیظ جالندھری نے تحریک آزادی میں بھی بھر پور انداز میں حصہ لیا، انھوں نے آزادی کی تحریک کو اجاگر کرنے کے لیے اپنی انقلابی شاعری کو ذریعہ بنایا۔انہیں تمغہ حسن کارکردگی اور ہلال امتیاز سے بھی نوازا گیاابوالاثر حفیظ جالندھری 21دسمبر 982 1کو 82 بر کی عمر میں انتقال کر گئے مگر چاہنے والوں کے دلوں کو آج بھی ان کی شاعری گرما دیتی ہے۔