اسلام آباد(نیوزڈیسک) ڈاکٹر عمران فاروق قتل کیس میں ایف آئی اے کی ٹیم نے ملزموں کے بینک اکاﺅنٹس کا ریکارڈ حاصل کر لیا ہے۔ تفصیلات کے مطابق ملزموں کے بینک اکاﺅنٹس کا ریکارڈ حاصل کرنے کیلئے ایف آئی اے 2 رکنی انسداد دہشت گردی ٹیم کراچی پہنچی اور تین بینکوں سے ملزموں کا ریکارڈ حاصل کیا۔تفتیشی ٹیم نے ریکارڈ فراہم کرنے والے متعلقہ بینکوں کے ملازمین کے بیانات بھی قلمبند کئے۔ ذرائع کے مطابق ایف آئی اے کی ٹیم نے ملزم معظم علی، محسن علی اور خالد شمیم کے بینک اکاﺅنٹس کا 2010ءاور 2011ءتک کا ریکارڈ حاصل کیا ہے اور یہ ٹیم آج شام یا کل واپس اسلام آباد پہنچ جائے گی۔