اسلام آباد (نیوزڈیسک)عالمی مالیاتی ادارہ آئی ایم ایف کہا ہے کہ 2016 ءمعیشت کی ترقی کے لحاظ مایوس کن سال ثابت ہو سکتا ہے۔میڈیا رپورٹس کے مطابق عالمی مالیاتی ادارے کی سربراہ کرسٹینا لیگارڈ نے جرمنی کے اخبار میں ایک آرٹیکل لکھا کہ امریکا میں شرح سود میں اضافے اور چین کی اقتصادی ترقی کی رفتار میں سست روی کی وجہ سے آئندہ سال کے دوران بھی عالمی معیشت عدم استحکام کا شکار رہے گی۔آئی ایم ایف کی سربراہ نے کہا کہ دنیا کے مختلف ممالک کے مالیاتی نظام میں اتار چڑھاو¿ اور خام تیل کی قیمتوں میں کمی کا تیل پیدا کرنے والے ممالک کی اقتصادیات پر منفی اثرات سے آئندہ سال عالمی معیشت میں زیادہ ترقی کے امکانات نہیں ہیں۔آنہوں نے کہا کہ کم پیدوار ، معمر آبادی کی تعداد میں اضافہ اور مالیاتی بحران کی وجہ عالمی معیشت کا پہیہ رک رک کر چل رہا ہے جس کی وجہ سے درمیانی مدت کے لیے معیشت پر بہت دباو¿ ہے۔