ممبئی(نیوز ڈیسک) بالی ووڈ فلم ساز سنجے لیلا بھنسالی جن کی فلم ”باجی راﺅ مستانی“ 8 دسمبر کو اداکارہ شاہ رخ خان کی فلم ”دل والے“ کے ساتھ نمائش کے لیے پیش کی گئی تھی نے شاہ رخ خان کو بالی ووڈ کا بڑا اداکار قراردیدیاہے۔بھارتی میڈیا کے مطابق سنجے لیلا بھنسالی کا ایک انٹرویو کے دوران کہنا تھا کہ اس میں کوئی شک نہیں شاہ رخ خان ملک کے بہت بڑے اسٹار ہیں اور انکی فلم کے مقابلے میں میری فلم کا پہلے دن کا بزنس کم ہونا فطری بات ہے۔انکا کہنا تھا کہ اگرچہ انکی فلم نے شروع میں کم بزنس کیا ہے تاہم اب اوپر والے کی رحمت سے بزنس پہلے کی نسبت بہت اچھا جا رہا ہے۔واضح رہے شاہ رخ خان کی ”دل والے“ نے نمائش کے پہلے روز21 کروڑ جب کہ دیپکا پڈکون کی باجی راﺅ مستانی صرف 12.80کروڑ کا بزنس کرنے میں کامیاب ہو سکی تھی۔ روہت شیٹی کی دل والے میں شاہ رخ خان، کاجول، ورون دھون، کریتی سینن اور سنجے لیلا بھنسالی کی باجی راﺅ مستانی میں دیپکا پڈکون، رنویر سنگھ اور پریانکا چوپڑا نے مرکزی کردار ادا کیے تھے۔