کراچی(نیوزڈیسک)سستی گاڑیاں،سینکڑوں کا روزگار،جاپانی کار ساز کمپنی نے پاکستان کو ایک اوربڑی پیشکش کردی،ملک میں کام کرنے والی ایک کار ساز کمپنی نے نئے پلانٹس پر مراعات کی صورت میں نیا پلانٹ لگانے کی پیش کش کر دی،یہ بات آٹو پارٹس ایسو سی ایشن کے سابق چیئرمین منیر بانا نے نجی ٹی وی سے گفت گو میں کہی۔انہوں نے بتایا کہ ملک میں کام کرنے والی تین جاپانی کار ساز کمپنیوں میں سے ایک نے پیش کش کی ہے کہ جو مراعات چین یا نئی کمپنیوں کو کار سازی کے پلانٹس پر دی جا رہی ہے وہ انہیں بھی دی جائیں تو وہ نیا کار پلانٹ لگائے گی۔منیر بانا نے بتایا کہ حکومت کی جانب سے اب تک اس بڑی پیش کش کش جواب نہیں دیا گیا جو مناسب نہیں، سابق چیئرمین آٹو پارٹس ایسو سی ایشن کے مطابق اگر حکومت کی جانب سے نئی کار ساز کمپنیوں کیساتھ پرانی کمپنیوں کے نئے پلانٹس پر بھی رعایت ہو تو مسابقت کے ساتھ ساتھ روزگار کو بھی فروغ ملے گا۔