ممبئی(نیوز ڈیسک)بولی ووڈ اداکارہ کرینہ کپور آج کرسمس اپنے گھر میں بہن اداکارہ کرشمہ کپور اور شوہر سیف علی خان کے ساتھ منا رہی ہیں۔ میڈیا رپورٹس کے مطابق سلمان خان اچانک اپنے گینگ کے ساتھ کرینہ اور سیف کے گھر پہنچ گئے۔واضح رہے سلمان خان اور سیف علی خان کے درمیان طویل عرصے سے سرد جنگ جاری ہے جبکہ کرینہ کپور اور سپر سٹاربہت اچھے دوست ہیں۔ ذرائع کے مطابق اس خوشی کے موقع پر دونوں اداکاروں نے آپس کے تمام تر جھگڑوں کو بالائے طاق رکھتے ہوئے صلح کر لی ہے جو کرینہ کپور کیلئے کسی بڑے تحفے سے کم نہیں ہے۔ بعد از کرینہ کپو ر کی طرف سے اس موقع پر لی گئی تصاویر انسٹا گرام پر بھی شیئر کی گئیں۔یاد رہے اداکارہ کرینہ کپور اور سلمان خان کئی ایک فلموں میں ایک ساتھ اداکاری کے جوہر دکھا چکے ہیں۔ علاوہ ازیں سپرسٹار کرینہ کی بڑی بہن کشمہ کپور کے ساتھ بھی متعدد فلموں میں کام کر چکے ہیں