ممبئی(ویب ڈیسک) بالی ووڈ میں اپنی بے باک اداکاری کے حوالے سے شہرت رکھنے والی اداکارہ سنی لیون نے مقبولیت میں بالی ووڈ کے تینوں خانز کو بھی پیچھے چھوڑ دیا ہے۔بالی ووڈ اداکار سلمان خان اپنی جانداراداکاری کے ساتھ ساتھ انڈسٹری میں دوستی کے حوالے سے بھی شہرت رکھتے ہیں یہی وجہ ہے کہ انہوں نے متعدد غیر ملکی اداکاراو¿ں کو بھارتی فلم نگری میں متعارف کروایا ہے جس میں اداکارہ سنی لیونی اور جیکولین فرنینڈس بھی شامل ہیں تاہم اب انہی کی متعارف کرائی گئی اداکارہ سن لیون نے سلو میاں کے لیے خطرے کی گھنٹی بجادی ہے۔میڈیا رپورٹس کے مطابق بالی ووڈ اداکارہ سنی لیون نے کئی نامور اداکاروں اور بھارتی شخصیات کو مقبولیت میں پچھاڑ دیا ہے ، انٹر نیٹ کے سب سے بڑے سرچ انجن گوگل نے اپنی سالانہ رپورٹ جاری کی ہے جس کے مطابق رواں سال بھارت میں گوگل پر سب سے زیادہ اداکارہ سنی لیون کو تلاش کیا گیا ہے جس کے بعد وہ” موسٹ گوگلڈ انڈین 2015 “بن گئی ہیں جب کہ انہوں نے مقبولیت میں سلمان خان، شاہ رخ خان، عامر خان ،کترینہ کیف، دپیکاپڈوکون سمیت تمام شخصیات کو پیچھے چھوڑدیا ہے۔واضح رہے کہ گزشتہ سال بھی سنی لیون نے مقبولیت میں بھارتی وزیراعظم نریندر مودی اور سلمان خان کو پیچھے چھوڑ دیا تھا