لاس اینجلس (نیوز ڈیسک)ہالی وڈ کے مشہورفلمساز کوئنٹن ٹرنٹینو کو ہالی ووڈ کی ہال آف فیم شخصیات میں شامل کر لیا گیا ہے، ان کے نام کاستارہ واک آف فیم میں نصب کر دیاگیا۔دو بار آسکر ایوارڈ جیتنے والے کوئنٹن ٹرنٹینو ہالی وڈ کی واک آف فیم میں شامل ہونیوالی 2569ویں شخصیت ہیں۔انہیں نئی فلم ‘’دی ہیٹ فل ایٹ‘ کی ریلیز سے چار دن پہلے واک آف فیم میں شامل کیا گیا ہے۔تقریب میں کوئنٹن کی اکثر فلموں میں کام کرنیوالے اداکار سیموئل ایل جیکسن بھی موجود تھے جن کی 67 ویں سالگرہ بھی تھی اور ٹرنٹینو نے اپنے دوست کی سالگرہ پرگانا بھی گایا۔ٹرنٹینو نے بتایا کہ وہ پہلی بار7سال کی عمر میں یہاں ا?ئے تھے۔تقریب میں ٹرنٹینو کے مداحوں کی بڑی تعداد موجودتھی جن میں’ ہیٹ فل ایٹ‘کی کاسٹ کے ارکان بھی شامل تھے۔