ممبئی(نیوزڈیسک)بھارتی انتہا پسند جماعت شیو سینا نے ایک بار پھر دنیا کی بڑی جمہوریہ کے چہرے پر کلنک کا ٹیکہ لگا دیا اور انتہا پسندوں نے غنڈہ گردی کرتے ہوئے بالی ووڈ کنگ شاہ رخ خان کی ریلیز ہو نے والی نئی فلم ” دل والے” کے موقع پر سینما گھروں پر حملے کردیئے۔بھارتی میڈیا کے مطابق بالی ووڈ کنگ کی نئی فلم “دل والے” کی ریلیزکے موقع پرہندو انتہا پسند تنظیموں کی جانب سے سینما گھروں پرحملے کرکے نہ صرف فلم کو چلنے سے روک دیا بلکہ سینما گھروں کے باہرآویزاں پوسٹر پھاڑ کر انہیں نذر آتش کردیا۔ انتہاپسندوں کی جانب سے مدھیہ پردیش کے شہرجبل پورمیں شاہ رخ خان کی فلم کے پوسٹر پھاڑے گئے جب کہ احمد آباد میں بھی فلم دل والے کے خلاف مظاہرے اور شدید احتجاج کیا گیا۔دوسری جانب انتہا پسندوں ہندو¿ں نے دھمکی دی ہے کہ شاہ رخ خان کی کوئی فلم بھارت میں ریلیز ہونے نہیں دیں گے اور ان کی آج ریلیز ہونے والی فلم ” دل والے” کے خلاف بھرپوراحتجاج جاری رہے گا اور اسے بزور طاقت ریلیز سے روکا جائے گا۔واضح رہے کہ بالی ووڈ سپراسٹارشاہ رخ خان نے بھارت میں بڑھتی انتہا پسندی اورعدم برداشت کے باعث ملک سے باہر جانے کا بیان دیا تھا جس کے بعد حکمراں جماعت بی جے پی کے رہنماو¿ں نے انہیں پاکستان کا ایجنٹ قراردیا تھا جب کہ شیوسینا کی جانب سے بھی ان کے خلاف شدید احتجاج کیا گیا۔