پٹنہ(نیوزڈ یسک ) پٹنا کے علاقے میں بندروں نیپنڈت کو پتھر مار مار کر ہلاک کردیا جب کہ اس سے قبل ہی بندروں کے اس طرح کے حملوں میں 2 افراد اس علاقے میں اپنی جان سے ہاتھ دھو بیٹھے ہیں۔بھارت میں پرانے پٹنا کے علاقے مرچی گلی کے رہائشی کو ان کی چھت پر جمع بندروں کے ایک غول نے اینٹیں مار کر اس وقت ہلاک کردیا جب وہ اپنے گھر کے صحن کی صفائی میں مصروف تھے۔ پولیس کے مطابق منا مشرا نامی شخص پر بندروں کے جھنڈ نے حملہ کردیا اور پتھر برسائے جس سے وہ شدید زخمی ہوگیا اور اسے اسپتال لے جایا گیا تاہم وہ زخموں کی تاب نہ لاتے ہوئے چل بسا۔
پولیس کا کہنا ہیکہ اس سے قبل بھی اس علاقے میں کئی بچے اور خواتین بندروں کے حملوں میں زخمی ہوچکے ہیں جب کہ اس میں 2 افراد ہلاک بھی ہوئے ہیں جب کہ پچھلے کئی دنوں میں علاقے کے 3 تھانوں میں بندروں کے حملوں کے کئی واقعات درج ہوئے ہیں اور خصوصاً چھوٹے بچے باہر نکلنے سے گریز کررہے ہیں کیونکہ بندر کئی بچوں کو کاٹ بھی چکے ہیں۔ واقعے کے بعد پولیس حکام نے محکمہ جنگلات کو ہدایات دی ہیں کہ وہ بندروں کو پکڑ کرعلاقے کو محفوظ بنائیں