اسلام آباد(نیوزڈیسک)عمران خان نے آخری ڈیڈ لائن دیدی،پاکستان تحریک انصاف کے سربراہ عمران خان نے کہا ہے کہ جون تک انتظار کر رہے ہیں ، اگلاالیکشن کمیشن شفاف نہ ہوا تو احتجاج ہمارا حق ہے ،میرا مشن نیا پاکستان بنانا ہے میٹرو منصوبے کمیشن کیلئے بنائے جاتے ہیں ہم انسانوں پر سرمایہ کاری کرینگے ۔ منگل کو فیس بک پر دیئے گئے انٹرویو میں عمران خان نے کہا کہ نئے پاکستان میں انسانوں پر سرمایہ کاری کریں گے۔ چشمہ رائیٹ بنک کنال پر پیسے لگانے سے علاقے کی غربت ختم ہو گی۔علاقے میں خوشحالی آئے گی. میڑو اس لئے بنائی جاتی ہے کہ کمیشن لئے جا سکیں۔عوام کے سامنے سے نہیں گھبراتا۔ہم تحریک انصاف کو ایک ادارہ بنانا چاہتے ہیں۔اپنی غلطییوں کا ازسر نو جائزہ لے کر الیکشن کروائیں گے۔مقبولیت کا ووٹ حاصل کر کے قیادت منتخب ہوگی۔عمران خان رہے یا نہیں پارٹی شوکت خانم کی طرز پر ایک ادارہ بنے گی۔آئندہ انتخابات میں امیدواران کے انٹرویو کریں گے۔بلدیاتی انتخابات میں عام انتخابات سے زیادہ دھاندلی ہوئی۔الیکشن کمیشن ن لیگ کے ملا ہوا تھا۔ہم جون تک انتظار کر رہے ہیں۔اگر الیکشن کمیشن شفاف نہ ہوا تو پر امن احتجاج ہمارا حق ہے ۔ اگلا الیکشن ماضی کی طرح نہیں ہونے دیں گے۔بلدیاتی انتخابات کے نتائج ایسے ہی آنے تھے ۔بلدیاتی انتخابات سے تحریک انصاف کو بہت فائدہ ہوا ہے. پارٹی نچلی سطح تک پہنچ گئی۔ پختون خواہ کی حکومت میری پہلی ترجیح ہے۔ صوبائی حکومت کی کارکردگی باقی صوبوں سے بہتر ہے۔پارٹی انتخابات کے بعد عام انتخابات کی تیاری کریں گے۔عوام کے ٹیکس کے پیسے کو اشتہارات پر خرچ نہیں کر سکتے۔بلین ٹری سونامی بین الاقوامی سطح پر مانا جا رہا ہے۔ میرا مشن ہے کہ نیا پاکستان بنانا ہے۔