لاہور (نیوزڈیسک) طاہرالقادری نے بڑافیصلہ کرلیا،حکومتی حلقوں میں ہلچل ۔پاکستان عوامی تحریک کے ترجمان نے ڈاکٹر طاہر القاری کی پاکستان آمد کا باضابطہ اعلان کرتے ہوئے بتایا ہے کہ سربراہ عوامی تحریک 20دسمبر کی صبح ٹورنٹو سے براستہ استنبول ترکش ایئرلائن کے ذریعے لاہور پہنچیں گے اور لاہور ایئرپورٹ پر کارکن ان کا پرتپاک استقبال کرینگے۔ترجمان نے بتایا کہ ڈاکٹر طاہر القادری 2اگست 2015 ءکو دہشتگردی کے خاتمہ اور فروغ امن کے حوالے سے مرتب کردہ نصاب کی تقاریب رونمائی کے سلسلہ میں یورپ کے دورہ پر تھے کہ اس دوران انہیں ایجیکشن فریکشن کی تکلیف ہوئی اور مسلسل سفر کے باعث ان کی ریڑھ کی ہڈی میں بھی تکلیف ہوئی اور ڈنمارک میں ہنگامی طور پر ”CYST “کا آپریشن ہوا۔ بعدازاں ڈاکٹرز کی ہدایات کے مطابق وہ مکمل آرام کرتے رہے۔ اب ان کی صحت میں بہتری ہے تاہم ایجیکشن فریکشن کا علاج بذریعہ ادویات جاری ہے ۔