اسلام آباد(نیوزڈیسک)بلدیاتی انتخابات میں شکست ،تحریک انصاف کے مرکزی رہنما کے موقف نے سب کوحیران کردیا۔شاہ محمودقریشی نے کہاکہ تحریک انصاف کوبلدیاتی انتخابات میں شکست اس لئے ہوئی کہ تحریک انصاف کوبلدیاتی انتخابات کاتجربہ نہیں تھا۔پاکستان تحریک انصاف کے وائس چیئرمین شاہ محمود قریشی نے کہا ہے کہ ملک پر دو خاندان قابض ہیں، بلدیاتی انتخابات کے دوران ملتان میں پاکستان تحریک انصاف کی کارکردگی سے مطمئن ہوں۔حکومت اداروں کو اونے پونے داموں بیچنے جا رہی ہے،اور آئی ایم ایف کے ایما پر حکومت نے عوام پر ٹیکسز کا بوجھ ڈالا ہے۔ شاہ محمود قریشی نے میڈیا سے گفتگو کرتے ہوئے کہا کہ ملک پر دو خاندان قابض ہیں ، پی ٹی آئی کو ایک ادارہ بنانے جا رہے ہیں اور پی ٹی آئی ایک ادارہ اسی صورت میں بنے گی جب پارٹی میں صاف اور شفاف انتخابات کو یقینی بنایا جائے گا اس مقصد کیلئے 7رکنی کمیٹی تشکیل دیدی گئی ہے جو کہ انٹر اپارٹی الیکشن کو شفاف بنانے اور انتخابات کروانے کی ذمہ دار ہو گی۔انہوں نے کہا کہ تحریک انصاف کو بلدیاتی انتخابات کا تجربہ نہیں تھا،ملتان میں تحریک انصاف کی کارکردگی سے مطمئن ہوں ،ملتان میں31 نشستیں جیتیں،ہماری حمایت سے10 امیدوارکامیاب ہوئے۔اداروں کی نجکاری پر اظہار خیال کرتے ہوئے ان کا کہنا تھا کہ حکومت پی آئی اے کواونے پونے داموں بیچناچاہتی ہے اور اس سلسلے میں پی آئی اے کے26 فیصد شیئرزفروخت کررہی ہے۔حکومت کی طرف سے لگائے گئے ٹیکسز پر رد عمل دیتے ہوئے ان کا کہنا تھا کہ حکومت نے آئی ایم ایف کے ایماءپر ٹیکسوں میں اضافہ کیا ہے۔