اسلام آباد(نیوزڈیسک)وزارتِ داخلہ نے کینیڈئن ہائی کمیشن کو مجورزہ طور پر خلاف ِ قانون پاکستانی ڈی پورٹیز بھیجنے پر مراسلہ جاری کیا ۔مراسلے کے مطابق کسی پاکستانی شہری کو حکومت ِپاکستان کے علاوہ کسی دوسری حکومت کے جاری کردہ سفری ستاویزات پر ڈی پورٹ کرنا بین الاقوامی اور انسانی حقوق کی خلاف ورزی ہے۔ترجمان وزارت داخلہ کے مطابق کینیڈا کے سفری دستاویزات پر نہ تو کسی ڈی پورٹی کو قبول کیا جائے گا نہ ہی ایسے افراد کے ہمراہ آنے والے سرکاری اہلکاروں کو امیگریشن کی اجازت دی جائے گی۔ شہریت کی تصدیق کے بعد متعلقہ پاکستانی سفارت خانے سے سفری دستاویزات کے اجراءکے بعد ڈی پورٹیشن کا عمل ممکن ہوگا۔