شارجہ(نیوز ڈیسک)انگلینڈ نے تیسرے ٹی 20 میں بھی پاکستان کو ہرادیا۔تیسرے اور آخری ٹی20میں پاکستان اورانگلینڈکےدرمیان میچ ٹائی ہونے کے بعد سپر اوور میں مقابلہ ہوا جس میں پاکستان نے پہلے کھیلتے ہوئے 3 رنز بنائے۔ بیٹنگ کے لیے شاہد آفریدی اور کامران اکمل آئے تاہم دونوں کھلاڑی صرف 3 رنز بناسکے، کامران اکمل اوور کی آخری گیند پر آوٹ ہوگئے۔ اس طرح انگلینڈ کی ٹیم کو 4 رنز ہدف ملا۔انگلینڈ کی ٹیم نے جواب میں سپراوور کی پانچویں گیند پر ہدف مکمل کرکے میچ جیت لیا۔ اس فتح کے ساتھ انگلینڈ کی ٹیم نے یہ سیریز بھی 3-0 سے جیت لیا۔اس سے قبل پہلے انگلینڈ نے ٹاس جیت کر بیٹنگ کرتے ہوئے 20اوورز میں8 کھلاڑیوں کے آوٹ ہونے پر 154 رنز بنائے تھے جس میں وینسی نے46رنز بنائے تھے۔پاکستانی ٹیم کو 155 رنز کا ہدف ملا جس کے جواب میں پاکستانی ٹیم نے مقررہ اوورز میں 154 رنز بنائے اور اس طرح میچ ٹائی ہوگیا تھا۔پاکستان کی جانب سےشعیب ملک نے 75 رنز بنائے۔