بدھ‬‮ ، 18 ‬‮نومبر‬‮ 2026 

پہلے ای میل، پھر طیارے اور اب بینک، آخر ڈیجیٹل دنیا میں ہو کیا رہا ہے؟

datetime 18  ‬‮نومبر‬‮  2026 |

اسلام آباد (نیوز ڈٰیسک)امریکا میں صرف ایک ہفتے کے دوران ای میل، فضائی سفر اور بینکنگ کی ڈیجیٹل سروسز میں پیش آنے والی متعدد تکنیکی خرابیوں نے ملک کے ڈیجیٹل نظام کے تحفظ اور قابلِ اعتماد ہونے کے حوالے سے نئی بحث چھیڑ دی ہے۔

غیر ملکی میڈیا رپورٹس کے مطابق ان مسائل کا آغاز ای میل سروسز میں تعطل سے ہوا، جس کے بعد ایئرلائنز کے ٹیکنالوجی نظام متاثر ہوئے اور اب امریکی بینکوں کی آن لائن خدمات میں بھی مشکلات سامنے آنے لگی ہیں۔ مسلسل پیش آنے والے ان واقعات کے باعث صارفین میں تشویش بڑھ رہی ہے کہ روزمرہ معاملات کے لیے استعمال ہونے والے ڈیجیٹل نظام کتنے مستحکم اور قابلِ بھروسا ہیں۔رپورٹ میں بتایا گیا ہے کہ ان تمام واقعات کو فی الحال تکنیکی خرابیوں کا نتیجہ قرار دیا جا رہا ہے، تاہم ایک مختصر مدت میں بار بار ایسے مسائل سامنے آنے سے ان کی وجوہات اور ڈیجیٹل انفراسٹرکچر کی مضبوطی پر سوالات اٹھنے لگے ہیں۔ پیر کے روز یونائیٹڈ ایئرلائنز کو بھی اپنے ٹیکنالوجی سسٹم میں خرابی کا سامنا کرنا پڑا، جس سے اس کے آپریشنز متاثر ہوئے۔سائبر سیکیورٹی کے ماہرین کے مطابق گزشتہ پانچ روز کے دوران مائیکروسافٹ، فضائی کمپنیوں اور بینکنگ سسٹم میں سامنے آنے والی تکنیکی مشکلات کے درمیان کسی براہِ راست رابطے کا ثبوت نہیں ملا۔

اس کے باوجود اتنے کم عرصے میں مختلف بڑے ڈیجیٹل نیٹ ورکس کا متاثر ہونا قابلِ توجہ اور تشویش ناک معاملہ ہے۔پالو آلٹو نیٹ ورکس کے سائبر تھریٹ انٹیلی جنس شعبے کی نائب صدر شیروڈ ڈی گریپو کا کہنا ہے کہ ان واقعات سے اندازہ ہوتا ہے کہ عالمی ڈیجیٹل انفراسٹرکچر کس حد تک ایک دوسرے کے ساتھ منسلک ہے اور معمولی خرابی بھی کس طرح وسیع پیمانے پر اثر انداز ہو سکتی ہے۔ ان کے مطابق سافٹ ویئر میں چھوٹی سی خامی یا کسی راؤٹر کی ناکامی بھی بڑے ڈیجیٹل نظاموں کے کام میں خلل ڈالنے کا سبب بن سکتی ہے۔

آج کی سب سے زیادہ پڑھی جانے والی خبریں


کالم



خود کشی سے پہلے


  نوٹ: اگر آپ افورڈ کر سکتے ہیں تو یہ تحریر آپ…

جنرل ضیاء کی شخصیت کے حیران کن پہلو (دوسرا حصہ)

  نوٹ: اگر آپ افورڈ کر سکتے ہیں تو یہ تحریر آپ…

جنرل ضیاء کی شخصیت کے حیران کن پہلو

  نوٹ: اگر آپ افورڈ کر سکتے ہیں تو یہ تحریر آپ…

بیوی کو بھی پتا نہیں چلنا چاہیے

  نوٹ: اگر آپ افورڈ کر سکتے ہیں تو یہ تحریر آپ…

تیسری پینٹنگ

  نوٹ: اگر آپ افورڈ کر سکتے ہیں تو یہ تحریر آپ…

قید بھی نعمت ہوتی ہے

  نوٹ: اگر آپ افورڈ کر سکتے ہیں تو یہ تحریر آپ…

سٹوڈنٹ لسٹ

  نوٹ: اگر آپ افورڈ کر سکتے ہیں تو یہ تحریر آپ…

Mind The Gape

  نوٹ: اگر آپ افورڈ کر سکتے ہیں تو یہ تحریر آپ…

مہاراجہ ہری سنگھ کے جواہرات

  نوٹ: اگر آپ افورڈ کر سکتے ہیں تو یہ تحریر آپ…

مرنے کے علاوہ

  نوٹ: اگر آپ افورڈ کر سکتے ہیں تو یہ تحریر آپ…

درگزر کیا کریں

  نوٹ: اگر آپ افورڈ کر سکتے ہیں تو یہ تحریر آپ…