اسلام آباد (نیوز ڈیسک) پاکستان کی صرافہ مارکیٹوں میں سونے کی قیمتوں میں گراوٹ کا رجحان برقرار ہے اور تازہ کاروباری روز کے دوران بھی نرخوں میں نمایاں کمی ریکارڈ کی گئی ہے۔

آل پاکستان صرافہ جیمز اینڈ جیولرز ایسوسی ایشن کے جاری کردہ اعداد و شمار کے مطابق فی تولہ سونا 4 ہزار 900 روپے سستا ہونے کے بعد 4 لاکھ 11 ہزار 636 روپے کی سطح پر آگیا ہے۔

اسی طرح 10 گرام سونے کی قیمت میں بھی 4 ہزار 201 روپے کی کمی ہوئی، جس کے بعد اس کا نیا نرخ 3 لاکھ 52 ہزار 911 روپے مقرر ہوگیا۔

دوسری جانب عالمی مارکیٹ میں بھی سونا مزید سستا ہوگیا ہے، جہاں فی اونس قیمت 49 ڈالر کی کمی کے بعد 3 ہزار 891 ڈالر ریکارڈ کی گئی۔