پشاور(نیوزڈیسک).خیبرپختونخواکےوزیرتعلیم محمدعاطف نے کہا ہے کہ اگلےماہ تک10ہزارسےزائد اساتذہ بھرتی کیےجائیں گے اورمزید 10اساتذہ کی آسامیاں بھی پیداکی جائیں گی۔صوبائی اسمبلی میں ارکان اسمبلی کےسوالات کےجواب دیتے ہوئےوزیرتعلیم محمد عاطف کا کہناتھا کہ اساتذہ کی کمی پوری کی جارہی ہےاس سال دسمبرتک 10ہزارسےزائد اساتذہ بھرتی کرلیےجائیں گے جس کےلئے ایک لاکھ 77ہزارامیدواروں نےدرخواستیں جمع کروائی ہیں،جبکہ کہ مزید 10ہزاراساتذہ کی آسامیاں بھی پیداکی جائیں گی ۔ان کا کہناتھا کہ موجودہ حکومت سال میں 160اسکول تعمیرکررہی ہےاس سےپہلے والی حکومتیں سال میں 100اسکول تعمیرکیا کرتی تھیں ۔ ان کا کہناتھا کہ صوبےمیں 105چھوٹےڈیموں پرتعمیرکاکام جاری ہےاور15مکمل کرلیےگئے ہیں ۔