اسلام آباد (نیوز ڈیسک) امریکی فوج سے وابستہ ایک غیر مسلم خاتون افسر نے
اسلام کے پیغامِ امن اور حقانیت سے متاثر ہوکر کلمہ شہادت پڑھ لیا اور اسلام قبول کرلیا۔
ذرائع کے مطابق خاتون افسر کے قبولِ اسلام کے سفر میں ان کے ایک مسلمان فوجی ساتھی نے اہم کردار ادا کیا۔ مسلمان ساتھی کے اچھے اخلاق، طرزِ عمل اور اسلام کے بارے میں مخلصانہ رہنمائی سے خاتون افسر متاثر ہوئیں، جس کے بعد ان کے دل میں دینِ اسلام کو سمجھنے اور اپنانے کا جذبہ پیدا ہوا۔
خاتون فوجی افسر نے اپنی وردی میں موجودگی کے دوران مسلمان ساتھی کی رہنمائی میں کلمہ شہادت پڑھا۔ اس موقع پر ان کے اسلام قبول کرنے کے مناظر بھی توجہ کا مرکز بنے اور واقعے کو ایمان افروز قرار دیا گیا۔
اس واقعے سے ایک مرتبہ پھر یہ پیغام سامنے آتا ہے کہ مذہب کا تعلق کسی خاص قوم، نسل یا پیشے تک محدود نہیں۔ حسنِ اخلاق، کردار اور اچھا برتاؤ کسی بھی انسان کے دل پر گہرا اثر ڈال سکتا ہے اور اسے حق کی تلاش کی طرف متوجہ کرسکتا ہے۔
