پشاور (این این آئی)چائلڈ پروٹیکشن کورٹ پشاور نے نواحی علاقہ پھندو میں 13 سالہ بچی کی مبینہ زبردستی شادی کے خلاف درخواست پر فیصلہ جاری کردیا۔

فیصلے کے مطابق بچی کی شادی یا رخصتی 16سال کی عمر تک نہیں کی جائے گی ،بچی کے والد نے بھی اس حوالے سے عدالت میں آمادگی ظاہر کی ہے۔عدالت نے چائلڈ پروٹیکشن آفیسر کو بچی کی حفاظت سے متعلق ہر سہ ماہی فالو اپ رپورٹ جمع کروانے کی ہدایت کی ہے۔فیصلے کے مطابق سماجی کارکن اور چائلڈ پروٹیکشن یونٹ کی ماہرِ نفسیات کی موجودگی میں بچی کو عدالت میں پیش کیا گیا، جبکہ دورانِ سماعت بچی کے والد، دادا اور دادی نے شادی کے الزامات کی تردید کرتے ہوئے کہا کہ صرف منگنی کی تقریب منعقد کی گئی تھی۔