کراچی (نیوزڈیسک) امیر جماعت اسلامی کراچی اور پاکستان تحریک انصاف کراچی کے آرگنائزر کے خلاف جمشید ٹاﺅن تھانے میں لاﺅڈ اسپیکر ایکٹ کے تحت مقدمہ درج کرلیا گیا ہے۔ ذرائع کے مطابق منگل کو جماعت اسلامی اور تحریک انصاف کی جانب سے بلدیاتی انتخابات میں حصہ لینے والے امیدواروں نے مزار قائد پر حاضری دی تھی اور حلف اٹھایا تھا۔ پولیس ذرائع کے مطابق اس تقریب میں لاﺅڈ اسپیکر استعمال کیا گیا۔ لاﺅڈ اسپیکر کی اجازت نہیں لی گئی جس کے نتیجے میں امیر جماعت اسلامی کراچی حافظ نعیم الرحمن اور پی ٹی آئی کراچی ریجن کے آرگنائزر علی زیدی کے خلاف جمشید ٹاﺅن تھانے میں سرکاری مدعیت میں لاﺅڈ اسپیکر ایکٹ کے تحت مقدمہ درج کرلیا گیا ہے۔