لاہور(نیوز ڈیسک ) شعیب اختر کو نیشنل کرکٹ اکیڈمی کا ہیڈکوچ بنانے کاامکان ہے،مشتاق احمد بھی امیدواروں میں شامل ہیں، یاد رہے کہ محمد اکرم نے قومی ٹیم کے بولنگ کوچ کی حیثیت سے کام کیا۔
وقار یونس کو ہیڈ کوچ بنانے پر ان کی ضرورت نہ رہی، انھوں نے این سی اے میں ذمہ داریاں سنبھالی تھیں تاہم یواے ای میں ٹی وی کمنٹری کرنے پر اختلافات ہوئے اور استعفٰی دینے کا فیصلہ کرلیا، سابق ٹیسٹ کرکٹراپنے معاملات نمٹانے کیلیے لاہور میں موجود ہیں۔
ذرائع کا کہنا ہے کہ ان کا استعفٰی منظور کرکے شعیب اختر کو اکیڈمی کی ذمہ داری سونپنے کا امکان ہے، دوسری صورت میں مشتاق احمد کا بھی انتخاب ممکن ہوگا، سابق لیگ اسپنر خود بھی کئی بار اس عہدے پر کام کرنے میں دلچسپی کا اظہار کرچکے ہیں۔
مزید پڑھئیے: ریحام نے طلاق کی وجہ کالا جادو قرار دے دیا
مزید پڑھئیے:ذولفقار مرزا کے ایان علی اور آصف زرداری کے بارے میں تہلکہ خیز انکشافات
