اسلام آباد (نیوز ڈیسک)پنجاب کے ضلع قصور کی گلبرگ کالونی میں پیش آنے والے ایک واقعے میں مبینہ طور پر خاتون نے ذاتی تنازع کے دوران ایک شخص کو شدید زخمی کر دیا،
جس کے بعد پولیس نے تحقیقات کا آغاز کر دیا ہے۔پولیس کے مطابق چونگی امر سدھو لاہور کے رہائشی 36 سالہ شاہد کے بارے میں دعویٰ کیا گیا ہے کہ اس کے آسیہ بی بی نامی خاتون کے ساتھ گزشتہ ڈیڑھ سال سے مبینہ تعلقات تھے۔ بتایا جاتا ہے کہ گزشتہ رات خاتون نے شاہد کو اپنے گھر بلایا، جہاں کسی بات پر دونوں کے درمیان تلخ کلامی ہوگئی۔ابتدائی معلومات کے مطابق جھگڑے کے دوران خاتون نے مبینہ طور پر بلیڈ سے شاہد کو شدید زخمی کر دیا۔
کچھ دیر بعد خاتون کا شوہر اسلم بھی گھر پہنچ گیا، جس کے بعد مبینہ طور پر دونوں میاں بیوی نے شاہد پر تشدد کیا اور بعد ازاں اسے پولیس کے حوالے کر دیا۔زخمی شخص کو فوری طبی امداد فراہم کرنے کے بعد مزید علاج کے لیے بلھے شاہ اسپتال منتقل کر دیا گیا۔ پولیس حکام کا کہنا ہے کہ واقعے کی تمام پہلوؤں سے تحقیقات جاری ہیں اور حقائق سامنے آنے کے بعد قانون کے مطابق مزید کارروائی کی جائے گی۔
