بہاولنگر(این این آئی)پنجاب کے علاقے بہاولپور میں ایک سال قبل لاپتہ ہونے والی خاتون کی لاش مبینہ طور گھر سے برآمد ہو گئی۔
پولیس کے مطابق میں ایک سال قبل لاپتہ ہونے والی خاتون نصرت بی بی کی لاش مبینہ طور پر اس کے گھر کے صحن سے برآمد ہوئی جس کے بعد مقتولہ کے شوہر کو قتل کے الزام میں گرفتار کر لیا گیا ہے۔تفتیشی حکام کا کہنا تھا کہ ملزم نے گزشتہ سال اپنی اہلیہ کے اغوا کا مبینہ جھوٹا مقدمہ بھی درج کروایا تھا جب کہ مقتولہ کے والدین کی جانب سے ظاہر کیے گئے شبہ کی بنیاد پر پولیس نے کارروائی کرتے ہوئے ملزم کو حراست میں لیا۔پولیس اور کرائم سین یونٹ نے جائے وقوعہ سے شواہد اکٹھے کرلیے گئے جب کہ ضروری قانونی کارروائی کے بعد لاش کو ہسپتال منتقل کر دی گئی۔دوسری جانب تفتیشی حکام نے بتایا کہ نصرت بی بی چار بچوں کی ماں تھی، واقعے کی مزید تحقیقات جاری ہیں۔
