اسلام آباد (نیوز ڈیسک)مرکزی رویت ہلال کمیٹی نے محرم الحرام 1448 ہجری کے چاند کی رویت کے حوالے سے اپنا فیصلہ جاری کر دیا ہے۔
چاند کی رویت کے لیے مرکزی اجلاس لاہور کی تاریخی بادشاہی مسجد میں منعقد ہوا، جس کی صدارت چیئرمین رویت ہلال کمیٹی مولانا عبدالخبیر آزاد نے کی۔اجلاس میں رویت ہلال کمیٹی کے اراکین کے علاوہ محکمہ موسمیات اور سپارکو کے نمائندے بھی شریک ہوئے، جبکہ کراچی، پشاور، کوئٹہ، اسلام آباد اور دیگر شہروں میں قائم زونل کمیٹیوں نے بھی اپنے اپنے اجلاس منعقد کیے۔
اجلاس کے بعد میڈیا سے گفتگو کرتے ہوئے مولانا عبدالخبیر آزاد نے بتایا کہ ملک کے کسی بھی حصے سے محرم الحرام کا چاند نظر آنے کی معتبر شہادت موصول نہیں ہوئی۔ تمام رپورٹس کا جائزہ لینے کے بعد کمیٹی نے متفقہ طور پر فیصلہ کیا کہ یکم محرم الحرام 1448 ہجری 17 جون بروز بدھ ہوگی۔انہوں نے مزید بتایا کہ اس حساب سے 10 محرم الحرام، یومِ عاشور، 26 جون بروز جمعہ کو منایا جائے گا۔
