سرگودھا(این این آئی)سرگودھا میں تھانہ میانی کی حدود میں گھریلو تنازع پر فائرنگ سے 3خواتین جاں بحق ہوگئیں۔

پولیس کے مطابق سوتیلے چچا نے فائرنگ کرکے بھتیجی، بھابھی اور نوکرانی کو قتل کیا۔تھانہ میانی پولیس کے مطابق میلووال میں تہرے قتل کا واقعہ رشتے کے تنازع پر پیش آیا، جہاں ملزم نے اندھا دھند فائرنگ کر کے بھتیجی، بھابھی اور نوکرانی کو قتل کر دیا اور فرار ہو گیا۔ ترجمان سرگودھا پولیس کے مطابق پولیس نے تحقیقات کا آغاز کر دیا ہے جبکہ مفرور ملزم کی گرفتاری کے لیے مختلف مقامات پر چھاپے مارے جا رہے ہیں۔