اسلام آباد (نیوز ڈ یسک) پنجاب میں میٹرک اور انٹرمیڈیٹ کے امتحانات میں ناکام ہونے والے طلبہ کے لیے امتحانی مواقع میں اضافہ کر دیا گیا ہے،
جس سے انہیں اپنی کارکردگی بہتر بنانے کے مزید مواقع ملیں گے۔پنجاب بورڈز آف انٹرمیڈیٹ چیئرمین کمیٹی کے ترجمان کے مطابق نئی پالیسی کے تحت ناکام امیدوار چار سال کے عرصے میں چھ مرتبہ امتحان دے سکیں گے۔
اس فیصلے کا اطلاق 2024 کے سالانہ امتحانات سے ہوگا، اور طلبہ کو ہر اضافی موقع پر اُس وقت کے نصاب کے مطابق پرچہ دینا ہوگا۔ اس سے پہلے طلبہ کو صرف چار مواقع دستیاب تھے۔تعلیمی حکام کا کہنا ہے کہ اس اقدام کا مقصد طلبہ کے ذہنی دباؤ میں کمی لانا، ناکامی یا کم نمبروں کی صورت میں انہیں مزید مواقع فراہم کرنا اور مجموعی تعلیمی معیار کو بہتر بنانا ہے۔
