لاہور ( این این آئی) لاہور کے علاقے اچھرہ میں سفاک ماں کے ہاتھوں تین بچوں کے قتل کے افسوسناک واقعے میں اہم پیش رفت سامنے آئی ہے،

ملزمہ ردا سے جاری تفتیش کے دوران مزید انکشافات سامنے آئے ہیں۔ ملزمہ ردا نے دوران تفتیش انکشافات کیا کہ بچوں سے کھیلتے ہوئے باری باری قتل کیا،پہلے ڈیڑھ سالہ بچی کو بیڈ پرقتل کیا،پھربیٹے کو کمرے میں لے جا کر اسکی شہر رگ کاٹ دی،سب سے آخر میں بڑی بیٹی کو قتل کیا،ملزمہ نے تہرے قتل کے بعد کپڑے تبدیل کیے اورگھرکو تالالگاکرباہرچلی گئی،جائے وقوعہ سے دو چھریاں صوفہ کے پاس سے ملیں،ایک چھری دھو کر کچن میں رکھی گئی۔ملزمہ نے دوران تفتیش اپنے شوہر پر سنگین الزامات عائد کرتے ہوئے بتایا کہ اسکا شوہر اسے غیرمردوں سے فون پر بات کرنے اور پیسے مانگنے پر مجبور کرتا تھا، شوہر کا رویہ پسند نہیں تھا اور وہ اس کے ساتھ رہنا نہیں چاہتی تھی۔

ردا نے یہ بھی انکشاف کیاکہ اس نے اپنے شوہر کے کہنے پر ایک پیر سے بھی رابطہ کیا تھا جبکہ شہر یار نامی شخص سے رابطے کا بھی اس کے شوہر کو علم تھا۔ملزمہ کے مطابق طلاق کے بعد بچوں کو سنبھالنے والا کوئی نہیں تھا اور اس کے میکے والوں نے بھی بچوں کو رکھنے سے انکار کر دیا تھا۔پولیس کے مطابق ملزمہ کے شہر یار سے746 فون کالز کاریکارڈ ملا ہے،کیس کی تفتیش سی سی ڈی کے حوالے کر دی گئی،سی سی ڈی ماڈل کیس کی مزید تحقیقات کرے گی۔