دریاخان(این این آئی)تھانہ بہل کی بستی چانڈیہ میں رقبہ کے تنازعہ پر دو گروپوں کے درمیان جھگڑا میں فائرنگ سے تین سگے بھائیوں اور دو کزنوں سمیت 5افراد قتل ، 3افراد شدید زخمی ہو گئے ،
ہولناک واقعہ کا نوٹس لیتے ہوئے وزیراعلیٰ پنجاب مریم نوازاور آئی جی پنجاب نے آر پی او سے رپورٹ طلب کر کے ڈی پی او کو ملزمان کی فوری گرفتاری کا ٹاسک دے دیا۔تفصیلات کے مطابق تھانہ بہل کی بستی چانڈیہ میں زمین کے تنازعہ پر جھگڑا میں فائرنگ کر کے تین سگے بھائیوں اور دو کزنوں 5افراد کو قتل اور 3 افراد کو شدید زخمی کر دیا گیا جن کو ہسپتال منتقل کر کے تھانہ ہہل پولیس مقتولین کی نعشوں کا پوسٹمارٹم کرواتے ہوئے مصروف تفتیش ہے۔
اس ہولناک واقعہ کا نوٹس لیتے ہوئے وزیراعلیٰ پنجاب مریم نواز شریف اور آئی جی پنجاب راؤ عبد الکریم نے آر پی او سرگودھا محمد شہزاد آصف خان سے رپورٹ طلب کر کے ڈی پی او بھکر کو ملزمان کی فوری گرفتاری کا ٹاسک دے دیا جنہوں نے جائے وقوعہ پر پہنچ کر ایس ڈی پی او کو تمام شواہد اکٹھے کر کے ملزمان کے خلاف فوری کارروائی اور متاثرین کو فراہمی انصاف کا حکم دیا۔
