اسلام آباد(نیوزڈیسک)نومبر کے لئے پیٹرول کی قیمت میں فی لیٹر 5 روپے 35 پیسے اضافے کا امکان ہے جبکہ ایچ او بی سی کی قیمت میں 6 روپے 10 پیسے فی لیٹر اضافے کا امکان ہے۔ذرائع کے مطابق عالمی مارکیٹ میں تیل کی قیمتوں میں اضافہ کے باعث ڈیزل کی قیمت میں 2 روپے 43 پیسے فی لیٹر اضافہ جبکہ مٹی کے تیل کی قیمت میں 3 روپے17 پیسے فی لیٹر اضافہ اور لائٹ ڈیزل کی قیمت میں 3روپے 63پیسے فی لیٹراضافے کا امکان ہے۔ذرائع کے مطابق اوگرا کی جانب سے سمری کو جلد حتمی شکل دیے جانے کا امکان ہے۔واضح رہے کہ عالمی سطح پر تیل کی قیمتوں میں مسلسل کمی دیکھنے میں آرہی ہے جبکہ اس کے برعکس پاکستان میں پٹرولیم مصنوعات کی قیمتوں میں بجائے کمی کے مزید اضافے کا امکان ظاہر کیاجارہاہے۔