اسلام آباد (نیوز ڈ یسک) امریکی صدر ڈونلڈ ٹرمپ نے ایران کو ایک بار پھر سخت پیغام دیتے ہوئے نئی مہلت کا اعلان کیا ہے

اور خبردار کیا ہے کہ اگر شرائط پوری نہ کی گئیں تو سنگین نتائج سامنے آ سکتے ہیں۔سوشل میڈیا پلیٹ فارم ’ٹروتھ سوشل‘ پر جاری اپنے بیان میں ٹرمپ نے یاد دلایا کہ انہوں نے پہلے ایران کو 10 دن کا وقت دیا تھا تاکہ وہ کسی معاہدے پر آمادہ ہو جائے یا آبنائے ہرمز کو کھول دے۔ان کا کہنا تھا کہ اب وہ مہلت ختم ہونے کے قریب ہے اور ایران کے پاس صرف 48 گھنٹے باقی رہ گئے ہیں، بصورت دیگر سخت ردعمل کا سامنا کرنا پڑ سکتا ہے۔واضح رہے کہ مارچ کے اختتام پر امریکی صدر نے ابتدائی طور پر ایران کو دو دن کی مہلت دی تھی، تاہم بعد میں ممکنہ مثبت پیش رفت کے اشاروں کے باعث اس مدت میں 10 دن کی توسیع کر دی گئی تھی۔اسی دوران پاکستان کی جانب سے اسلام آباد میں ایران اور امریکا کے درمیان مذاکرات کی راہ ہموار کرنے کی کوششیں بھی کی گئیں، جس کے بعد وقتی طور پر ڈیڈ لائن میں نرمی کی گئی تھی۔