اسلام آ باد(نیوز ڈ یسک) معروف بھارتی کرکٹ کمنٹیٹر ہرشا بھوگلے نے ٹی ٹوئنٹی ورلڈکپ میں پاکستان کی مشروط شرکت سے متعلق فیصلے پر اظہارِ خیال کیا ہے۔ ان کا کہنا ہے کہ اگر پاکستان ٹورنامنٹ میں حصہ تو لے لیکن بھارت کے خلاف مقابلہ کھیلنے سے انکار کر دے تو اس صورتِ حال پر آئی سی سی کا ردِعمل خاصا دلچسپ ہوگا۔

سماجی رابطے کی ویب سائٹ ایکس (سابقہ ٹوئٹر) پر اپنے پیغام میں ہرشا بھوگلے نے لکھا کہ انہیں اس معاملے کی قانونی پیچیدگیوں یا کسی سابق مثال کے اطلاق کا مکمل علم نہیں، تاہم وہ اس امکان کو مسترد نہیں کرتے کہ آئی سی سی براڈکاسٹرز کو ہونے والے مالی نقصان کو پاکستان کے حصے میں آنے والی آئی سی سی آمدن سے ایڈجسٹ کرنے کا فیصلہ کر سکتی ہے۔

انہوں نے مزید سوال اٹھایا کہ اگر مقابلہ فائنل تک پہنچ جائے اور فائنل میچ بھارت اور پاکستان کے درمیان طے پا جائے تو ایسی صورت میں صورتحال کس رخ اختیار کرے گی، یہ دیکھنا بھی نہایت اہم ہوگا۔