اسلام آباد (نیوز ڈیسک) محکمۂ موسمیات نے آئندہ دنوں کے لیے ملک بھر میں سرد اور خشک موسم کی پیشگوئی جاری کر دی ہے۔
رپورٹ کے مطابق بالائی اور پہاڑی علاقوں میں رات اور صبح کے وقت شدید سردی برقرار رہنے کی امید ہے، جبکہ پنجاب اور خیبر پختونخوا کے میدانی شہروں میں دھند اور سموگ کے بڑھنے کا امکان ظاہر کیا گیا ہے۔
محکمہ موسمیات کا کہنا ہے کہ اسلام آباد، پوٹھوہار ریجن، کشمیر اور خیبر پختونخوا کے کچھ میدانی علاقوں میں صبح سویرے کہیں کہیں کہرے کی ہلکی تہہ پڑ سکتی ہے۔
گزشتہ 24 گھنٹوں کے دوران ملک کے زیادہ تر حصوں میں موسم خشک اور سرد رہا، جبکہ بالائی پہاڑی علاقوں میں شدید سردی رپورٹ ہوئی۔ پنجاب اور خیبر پختونخوا کے چند اضلاع میں دھند بھی چھائی رہی۔
محکمہ کے مطابق سب سے کم درجہ حرارت اسکردو میں منفی 8 ڈگری سینٹی گریڈ ریکارڈ کیا گیا۔ لہہ، زیارت اور قلات میں منفی 7 جبکہ کوئٹہ اور گلگت میں درجہ حرارت منفی 5 ڈگری سینٹی گریڈ تک گر گیا۔
