اسلام آباد (این این آئی)وزارت خارجہ نے پاسپورٹ سے اسرائیل کیلئے ناقابل استعمال کی شق کے خاتمے سے متعلق بھارتی میڈیا کے پروپیگنڈے کو مسترد کردیا۔میڈیارپورٹ کے مطابق بھارتی چینل نے گزشتہ دنوں دعویٰ کیا کہ پاکستانی پاسپورٹ سے اسرائیل کیلئے ناقابل استعمال کی شق ختم کردی گئی ہے۔ اس حوالے سے بھارت کے جھوٹے پروپیگنڈے کو بے نقاب کرتے ہوئے پاکستان کی وزارت خارجہ نے کہا کہ پاکستانی پاسپورٹ میں ایسی کوئی تبدیلی نہیں کی گئی اور پاسپورٹ میںاسرائیل کے لیے ناقابل استعمال کی شق بدستور برقرار ہے۔
اس حوالے سے ڈی جی پاسپورٹس نے کہا کہ قومی پاسپورٹ پراب بھی درج ہے کہ یہ اسرائیل کے علاوہ تمام ممالک کے لیے قابل استعمال ہے۔علاوہ ازیں وزارت اطلاعات کی جانب سے جاری بیان میں کہا گیا ہے کہ پاکستان کا اسرائیل سے متعلق مؤقف بالکل واضح اور دو ٹوک ہے، پاکستان نے نہ کبھی اسرائیل کو تسلیم کیا نہ ہی کسی قسم کا فوجی تعاون زیرِ غور ہے۔
