لاہو(نیوزڈیسک)عمران خان سے راستے جدا کرنے کے بعدمخدوم جاوےد ہاشمی پھر متحرک ہوگئے – گورنر پنجاب ملک محمد رفیق رجوانہ سے سابق وفاقی وزیر اور ملتان کی معروف سیاسی شخصیت مخدوم جاوید ہاشمی نے گورنرہا ¶س لاہور میں ملاقات کی -ملاقات میں ملک کی مجموعی سیاسی صورت حال اور ملتان میں شروع کےے جانے والے ترقیاتی منصوبوں کے حوالے سے تفصیل سے بات چیت کی گئی -گورنر پنجاب نے کہا کہ ملک میں جمہوری نظام بالیدگی کے مراحل طے کرتے ہوئے پختگی کی طرف گامزن ہے اور جمہوریت کے تسلسل سے ہی ملکی مسائل میں کمی آرہی ہے -انہو ںنے کہا کہ عام انتخابات کے تسلسل کے بعد اب بلدیاتی انتخابات کی تیاری جمہوریت کے استحکام کا ذریعہ ہو گی اور عوام کے مسائل ان کی دہلیز پر حل کرنے میں مدد گار ثابت ہو گی-انہو ںنے کہا کہ عام آدمی کو بااختیار بنانا اور اقتدار کی نچلی سطح پر منتقلی کو یقینی بنانامسلم لیگ (ن) کے منشور کا حصہ ہے اور بلدیاتی انتخابات کروا نے کا وزیر اعظم محمد نواز شریف قوم سے کیا ایک اور وعد ہ پورا کر دیا ہے -گورنر پنجاب نے کہا کہ عوام کی فلاح کے لےے ترقیاتی فنڈز کا رُخ دوردراز اور پسماندہ علاقوں کی طرف موڑدیا گیا ہے خصوصا جنوبی پنجاب میں جتنے میگا پراجیکٹس اس دور میں شروع ہوئے ہیں -انہوں نے کہا کہ لاہور اور راولپنڈی کے بعد ملتان میں میٹرو بس منصوبے کا آغاز اولیاءکرام کی سرزمین کو جدید شہر بنانے میں اہم کردار ادا کر ے گا-اس موقع پر مخدوم جاوید ہاشمی نے کہا کہ جمہوریت کا تسلسل ہی ایک مضبوط سیاسی نظام کی بنیاد ہے اور ہمارا یہ فرض ہے کہ جمہوری اور سیاسی نظام کو مضبوط کرنے کے لےے غیر جمہوری عناصر کی حوصلہ شکنی کریں – انہو ںنے کہا کہ اقتدار کے لےے چور دروازہ تلاش کرنے والوں کا اس ملک میں کوئی مستقبل نہیں کیونکہ عوام نے ایسے عناصر کو مسترد کر دیا ہے -انہو ںنے کہا کہ اقتدار کا راستہ عوام سے ہو کر گذرتا ہے اور عوام ہی اپنے لےے موزوں قیادت کا انتخاب کریں گے-