اسلام آبا(نیوزڈیسک)چوہدری نثارعلی خان نے پاسپورٹ ہولڈرزکے لئے مزیدآسانیاں پیداکردیں. وزیر داخلہ چوہدری نثار علی خان نے پاسپورٹ کے تجدید کے عمل کو مزید آسان بنانے کی ہدایات جاری کردیں ترجمان وزارت داخلہ کا کہنا ہے کہ ان احکامات کی روشنی میں اب پاسپورٹ کی تجدیدملک اور بیرونِ ملک واقع پاسپورٹ کے کسی بھی دفترسے کرائی جا سکے گی۔پرانے ضابطہ کار کے مطابق پاسپورٹ کی تجدید صرف شناختی کارڈ پر درج شہر سکونت سے ہی کرائی جا سکتی تھی،ترجمان وزارت داخلہ نے کہا کہ عوامی مشکلات کے تدارک اور حکومتی اداروں کے نظام کی بہتری کے لئے میڈیا کی رہنمائی حوصلہ افزا اور خوش آئند ہے۔ وزیر داخلہ نے ڈی جی پاسپورٹ کو ایک ماہ کے اندر اس نئی پالیسی پر عملدرآمد کا حکم دے دیا ۔