کراچی (این این آئی)شوبز انڈسٹری کی معروف اداکارہ جیا علی کا کہنا ہے کہ شادی سے جان چھڑانے کے لیے شوبز میں آگئی، مجھے شادی کرنے سے ڈر لگتا تھا۔نجی ٹی وی کے پروگرام میں گفتگو کرتے ہوئے اداکارہ جیا علی نے کہا کہ میں ہمیشہ سے ریلیشن شپ میں رہی ہوں لیکن شادی کرنے سے ڈر لگتا تھا، 18، 19 سال کی عمر میں میری منگنی اور شادی کی باتیں ہونا شروع ہوگئی تھیں تو میرے دل میں ڈر بیٹھ گیا تھا کہ گھر والے میری شادی کردیں گے۔

انہوں نے کہا کہ میری فیملی شادی کے لیے دبائو ڈال رہی تھی تو گھر سے بھاگنا تھا، میں پڑھتی نہیں تھی جب میں نے میٹرک کیا تو اس کے بعد آگے پڑھنے کا شوق نہیں تھا، میری پاس چوائس تھی کہ پڑھوں یا پھر شادی کروں۔اداکارہ نے کہا کہ مجھے ماڈلنگ میں آنے کا شوق تھا، بیوٹیشن کا پروفیشن جب آفر ہوا تو لگا کہ یہ شادی سے بھاگنے کا سب سے بہترین موقع ہے، نوکری کروں گی تو گھر والے چھڑوا دیں گے۔جیا علی نے کہا کہ میں نے کوئی سات سے آٹھ سال نوکری کی ہے، مسرت آپا کے ساتھ بطور بیوٹیشن شروعات کی، میں فیشل کے ڈپارٹمنٹ میں کام کررہی تھی، اسی آرگنائزیشن کے لیے بھی ماڈلنگ کررہی تھی۔

انہوں نے کہا کہ میں صبح 6 بجے سے رات 9 بجے تک کام کرتی تھی، عامر بھائی اور مسرت آپا نے مجھے ریسیپشن کی نوکری دی، اس وقت والد زندہ تھے گھر کی کوئی ذمہ داری نہیں تھی بس اس لیے باہر نکلی کہ شادی نہ ہوجائے۔اداکارہ نے بتایا کہ پھر ماڈلنگ شروع کی اس میں اتنے اچھے پیسے ملنے لگے کہ میرا رجحان فلم کی جانب ہوگیا، سید نور نے جیوا کی آفر کی تھی۔ واضح رہے کہ اداکارہ جیا علی نے مئی کے اختتام پر کرکٹ کوچ، بزنس مین اور پی ٹی آئی کے رہنما عمران ادریس سے چھوٹی سی تقریب میں لاہور میں شادی کی تھی۔