ممبئی (نیوزڈیسک)بھارتی فلم انڈسٹری کی مشہور ہیروئن کرینہ کپور نے پاکستانی ڈائریکٹر شعیب منصور کی آئندہ فلم میں کام کر نے کی حامی بھرلی ہے اور توقع ہے کہ ان دونوں کی آئندہ ہفتے دوبئی میں ملاقات ہوگی جس میں شعیب منصور کرینہ کپور کو اپنی فلم کی کہانی سے آگاہ کرینگے اور اس موقع پر معاہدے پر دستخط کا بھی امکان ہے ۔بھارتی میڈیا کے مطابق چند ماہ قبل شعیب منصور نے کرینہ کپور کو ایک ای میل پیغام کے ذریعے فلم میں اہم کر دار دینے کی پیشکش کی تھی اور اب یہ سلسلہ آگے بڑھ رہا ہے ۔اگرچہ کرینہ کپور زبانی طورپر اس پیشکش کو قبول کرچکی ہے تاہم وہ چاہتی ہے کہ پہلے اسے سکرپٹ دکھایاجائے جس کے بعد وہ معاہدے پر باقاعدہ دستخط کریں گی ۔کرینہ نے ایک انٹرویو میں شعیب منصور کے ساتھ کام کر نے کی خواہش کا بھی اظہار کیا تھا اور کہا تھا کہ وہ ایک شاندار فلم ساز ہیں جنہوںنے بہت چھی فلمیں بنائی ہیں اگر چہ معاہدہ طے پا جاتا ہے تو کرینہ کپور پہلی بھارتی ہیروئن ہوگی جو پاکستانی فلم میں کام کریں گی ۔بھارتی میڈیا کے مطابق بیبوکے نام سے مشہور کرینہ نے ٹوئٹر اکاﺅنٹ بنانے کا بھی اعلان کیا ہے جس کے ذریعے وہ اپنی شائقین سے آئن لائن رابطہ رکھ سکیں گی وہ ان دنوں ارجن کپور کے ساتھ ”کی اور کا “نامی فلم میں کام کررہی ہیں ۔