اسلام آباد (نیوز ڈیسک )بولی ووڈ انڈسٹری میں آجکل اداکارہ عالیہ بھٹ اپنی کامیابیوں کے باعث ڈائریکٹر ز کی پہلی پسند بن چکی ہیں۔ معروف اداکارہ عالیہ بھٹ کا کہنا ہے کہ میں خوش قسمت ہوں کیو نکہ ڈائریکٹراپنی فلموں کیلئے خود میرا انتخاب کرتے ہیں۔22سالہ اداکارہ کا کہنا ہے کہ میں کبھی بھی کسی کردار کو حاصل کرنے کیلئے کسی ڈائریکٹر کے پاس نہیں گئی۔ انھوں نے میڈیا سے گفتگو کے دوران بتایا کہ وہ اپنی کا میابی کا سہرا بھی ان تمام ڈائریکٹرز کے سر ہی باندھنا چاہتی ہیں جنہوں نے میرا انتخاب کیا۔انکا مزید کہنا تھا کہ میں بے حد خوش ہوں مجھے کسی اور اداکارہ کا کام چھیننے کی ضرورت نہیں ہے علاوہ ازیں مجھے اتنے باصلا حیت رائٹر اور ڈائریکٹر کے ساتھ کام کرنے کا موقع میسر آیا ہے۔انھوں نے بتایا کہ وہ اب تک جتنی بھی فلموں میں اداکاری کر چکی ہیں یا مستقبل قریب میں کرنے والی ہیں ان سب میں انکا کردار مختلف ہے۔واضح رہے اداکارہ آجکل اپنی نئی آنے والی فلم ”شاندار“ میں ڈانس گرو شاہد کپور کے ساتھ نمایا کردار ادا کر رہی ہیں۔