اسلام آباد (این این آئی) اسلام آباد ہائیکورٹ نے حکومت کورجسٹرڈ افغان مہاجرین کو ہراساں کرنے سے روک دیا۔ جمعہ کو اسلام آباد ہائیکورٹ میں جسٹس انعام امین منہاس نے پاکستان میں مقیم رجسٹرڈ افغان مہاجرین کو مبینہ طور پر ہراساں کرنے کیخلاف درخواست پر سماعت کی ۔
عدالت نے تحریری فیصلہ جاری کرتے ہوئے کہا ہے کہ درخواست گزار کے مطابق حکومت پاکستان نے خود بطور مہاجر رجسٹرڈ کیا، درخواست گزار نے کارڈ کے زائد المعیاد ہونے تک ہراساں کرنے اور زبردستی بے گھر کرنے سے روکنے کی استدعا کی۔ عدالت نے حکومت کو درخواست گزار افغان مہاجرین کو ہراساں کرنے سے روکتے ہوئے افغان مہاجرین جلال الدین و دیگر کی درخواست نمٹا دی۔عدالت نے تحریری فیصلے میں کہا کہ حکومت 27جولائی 2024ء کے نوٹیفکیشن کے مطابق قانون پر سختی سے عملدرآمد کرے جس کے مطابق پاکستان میں قیام کی مدت 30جون 2025تک ہے۔
