پشاور (این این آئی)خیبرپختونخوا کے علاقے پبی میں گھریلو تنازع پر مسلح شخص نے فائرنگ کرکے والدہ، بہن اور بھائی کو قتل کردیا۔ ذرائع کے مطابق تحصیل پبی کے علاقے چوکی درب میں گھر یلو تنا زع پر بیٹے نے مو ٹر کار پر سوار والدہ پر فائرنگ کردی جس سے کار میں سوار والدہ، بہن اور بھا ئی موقع پر جاں بحق ہوگئے۔
فائرنگ کی اطلاع ملتے ہی ریسکیواسٹیشن پبی کی میڈیکل ٹیمیں فوری طور پرایمبولینس کے ساتھ جائے حادثہ پر پہنچ گئیں۔ریسکیو ٹیموں نے لا شوں کو موقع سے اٹھا کر میاں راشد حسین شہید میمو ریل ہسپتال پبی پہنچا دیا۔حکام کے مطابق مقتولین کی شناخت 60 سالہ حکم جا نہ، 40 سالہ بہن ریاست بی بی اور بھا ئی ثمین شاہ عمر کے نام سے ہوئی ہے۔
