پشاور (این این آئی)پاکستان تحریک انصاف (پی ٹی آئی) کے سینیٹر فیصل جاوید نے کہا ہے کہ ہم نکلیں گے تو بانی پی ٹی آئی رہا ہوں گے۔میڈیا سے گفتگو کرتے ہوئے انہوں نے کہا کہ پْرامن احتجاج ہمارا حق ہے، احتجاج سے متعلق پارٹی حکمت عملی تیار کر رہی ہے۔

فیصل جاوید نے کہا کہ پی ٹی آئی کو سیاسی نشانہ بنایا جا رہا ہے، بانی نے عوام سے وعدہ کیا کہ جینا مرنا عوام کے ساتھ ہوگا۔انہوں نے کہا کہ عمرے کی ادائیگی کے لیے جا رہا تھا مجھے روک دیا گیا، عدالتی حکمنامہ کے باوجود مجھے آف لوڈ کیا گیا۔