پشاور(این این آئی)پشاور میں نامعلوم افراد نے فائرنگ کرکے حساس ادارے کے انسپکٹر شاہد انور ولد عبد الحنان شہد کردیا۔ رپورٹ کے مطابق واقعہ پشاور کے تھانہ مچنی گیٹ کی حدود میں عزیر ٹاؤن کے علاقے میں پیش آیا جہاں نامعلوم افراد نے فائرنگ کرکے حساس ادارے کے افسر کو شہید کیا۔
پولیس افسران نے مقامی پولیس کے ہمراہ فوری موقع پر پہنچ کر لاش کو پوسٹ مارٹم کیلئے منتقل کر دیا۔رپورٹ کے مطابق قانون نافذ کرنے والے اداروں نے ملوث عناصر کا سراغ لگانے کیلئے علاقے میں سرچ آپریشن کردیا اور شہر میں ناکہ بندیوں پر پولیس الرٹ ہوکر چیکنگ مزید سخت کردی۔جائے حادثہ پر موجود افسر نے کہاکہ عینی شاہدین کے مطابق موٹر سوار نا معلوم افراد نے گھر کے قریب فائرنگ کرکے افسر کو شہید کیا، مزید تفتیش کے بعد حقائق اور قتل کی وجہ سامنے آئے گی۔
