اسلام آباد (نیوزڈیسک) سرگودھا میں نوکری کا جھانسہ دے کر لڑکی سے مبینہ اجتماعی زیادتی کے بعد ملزمان لڑکی کو حالت غیر ہونے پر ڈی ایچ کیو ہسپتال چھوڑ کر فرار ہوگئے ۔ واقعے کا مقدمہ درج کر لیا گیا۔نجی ٹی وی کے مطابق سرگودھا تحصیل شاہ پورمیں لڑکی کو بیرون ملک نوکری کے لیے انٹرویو کا جھانسا دے کر مبینہ اجتماعی زیادتی کا نشانہ بنا ڈالا گیا۔پولیس کے مطابق متاثرہ لڑکی کا والد رکشہ چلاتا ہے، تھانہ جھال چکیاں میں مقدمہ درج کرلیا گیا ہے۔ اطلاع ملنے پر ڈی پی او سرگودھا ہسپتال پہنچے اور لڑکی کے والدین سے ملاقات کی۔مقدمہ متن کے مطابق ملزم نے بیرون ملک نوکری کے انٹرویو کے بہانے بیٹی کولے کر گیا، ملزم نے اپنے چار ساتھیوں کے ساتھ زیادتی کا نشانہ بنایا۔ پولیس ملزمان کی گرفتاری کے لئے چھاپے مار رہی ہے۔