لاہور (نیوز ڈیسک)کھٹی میٹھی انگریزی بولنے والی سکینڈل کوئین اداکارہ میرا کا ایک اور سکینڈل منظر عام پر آگیا ، ملتان کے پروڈیوسر کے ساتھ بھی ہاتھ کرگئیں ، پورا معاوضہ لینے کے باوجود سٹیج ڈرامہ ادھورا چھوڑ کر لاہور پہنچ گئیں ۔تفصیلات کے مطابق فلمسٹار میرا کے سکینڈل ہیں کہ ختم ہونے کا نام نہیں لے رہے ، کھٹی میٹھی انگریزی اور مصالحے دار خبروں کے ساتھ میڈیا کی زینت بنی رہتی ہیں ۔ سکینڈل کوئین کا اب ایک اور سکینڈل منظر عام پر آگیا ۔ اداکارہ میرا نے ملتان کے مقامی تھیٹر کے ساتھ 8شوز کی پرفارمنس کا معاہدہ کیا اور 7لاکھ روپے معاوضہ بھی لے لیا تاہم 6شوز کرنے کے بعد ہی میرا نے پروڈیوسر کو بتائے بغیر لاہور کی راہ لی جس پر سٹیج ڈرامے کے پروڈیوسر زوار بلوچ ناراض ہیں ۔ان کا کہنا ہے کہ معاہدے کے مطابق مکمل رقم ادا کی ۔ ڈرامہ ادھورا چھوڑ کر جانے کے باعث انہیں شدید مالی نقصان کا سامنا ہوا ہے ۔ میرا کے مبینہ طور پر جھانسا دینے پر پروڈیوسر نے ان کے خلاف قانونی کارروائی کا اعلان کردیا ہے ۔