لودھراں (این این آئی) غیر اخلاقی سرگرمیوں کے خلاف کارروائی کرتے ہوئے شادی کی تقریب کی آڑ میں سجائی گئی غیر اخلاقی محفل سے 50 افراد کو گرفتار کر لیا گیا۔ایس ایچ او تھانہ سٹی مزمل خان کے مطابق پولیس نے لودھراں کے علاقے محلہ کوڑے والا اور قاسم والا میں جاری مجروں پر چھاپے مارے اور فحش گانوں پر رقص کرنے والی رقاصاؤں سمیت 50 افراد کو گرفتار کر لیا۔

ایس ایچ او تھانہ سٹی کے مطابق دونوں مقامات پر شادی کی تقریب کی آڑ میں غیر اخلاقی محفلیں سجائی گئی تھیں، چھاپے کے دوران رقاصاؤں پر لٹائی گئی بھاری رقم 196000 روپے بھی برآمد ہوئے، محفل میں اماراتی، سعودی اور امریکی کرنسی نوٹ بھی نچھاور کیے گئے تھے جبکہ آتشبازی کا سامان بھی قبضے میں لے لیا گیا۔ڈی پی او کامران ممتاز نے بتایا کہ غیر قانونی محفلوں کے خلاف کارروائیاں جاری رہیں گی۔