لاہور( نیوزڈیسک )این اے 122 ،پیپلزپارٹی نے سب کو حیران کردیا،ووٹ میں نہ سہی برتری تو لے ہی لی،اور وہ بھی نظم و ضبط میں۔،تمام پولنگ سٹیشنز میں پیپلزپارٹی کے کارکن پرامن رہے جبکہ این اے 122کے ضمنی انتخاب کیلئے ووٹنگ کے موقع پر سیاسی درجہ حرارت عروج پر رہا ،حلقے کے گلی کوچے اور شاہراہیں رو عمران رو اور گو نوازگو کے نعروں سے گونجتی رہیں ۔ پولنگ اسٹیشنز کے قریب قائم کئے جانے والے سیاسی جماعتوں کے کیمپوں میں کارکن ایک دوسرے کی قیادت کے خلاف اور اپنی قیادت کے حق میں نعرے بازی کرتے رہے ۔ حلقے میں پی ٹی آئی اور (ن) لیگ کے رہنماﺅں کی قیادت میں نکالی جانے والی ریلیوں میں بھی کارکن رو عمران رو اور گو نواز گو کے نعرے لگاتے رہے ۔ دوسری طرف پیپلز پارٹی کے این اسے 122سے امیدوار بیرسٹر عامر حسن اور پی پی 147سے امیدوار شاہد افتخار ایڈووکیٹ کے حمایتی کارکن انتہائی پر امن رہے اور ان کی طرف سے سیاسی مخالفین کے خلاف نعرے بازی کی بجائے صرف اپنی قیادت کے حق میں نعرے بازی کی گئی ۔ پیپلز پارٹی کی طرف سے صبح کے وقت پولنگ اسٹیشنز کے قریب اپنے کیمپ قائم کئے گئے لیکن وقت گزرنے کے ساتھ ساتھ کئی کیمپ خالی ہو گئے اور وہاں ہو کا عالم رہا ۔